1 ივლისს, 15:00 საათზე, ივანე ბერიტაშვილის ექსპერიმენტული ბიომედიცინის ცენტრი გთავაზობთ ლაივშეხვედრას თემაზე: „კოგნიტიური ფუნქციების დარღვევათა პათოფიზიოლოგიური მექანიზმების მულტიდისციპლინური კვლევა ნევროლოგიურ დაავადებათა ცხოველურ მოდელებში“.

 მოდერატორი- გელა ბესელია

 გელა ბესელია - მედიცინის დოქტორი, პენსილვანიის სახელწიფო უნივერსიტეტის სამედიცინო კოლეჯის, ნეიროქირურგიის დეპარტამენტის, პოსტდოქტორანტი მეცნიერ თანამშრომელი; ივ. ბერიტაშვილის ექსპერიმენტული ბიომედიცინის ცენტრის ქცევისა და კოგნიტიურ ფუნქციათა ლაბორატორიის მეცნიერ თანამშრომელი; პეტრე შოთაძის სახელობის თბილისის სამედიცინო აკადემიის ასოცირებული პროფესორი.

 მოსხენების სათაური: „ტვინის ღრმა ელექტრული სტიმულაციის ეფექტები მეხსიერებასა და ჰიპოკამპის ნეიროქიმიაზე ბებერ ვირთაგვებში”.

 ლალი ყრუაშვილი - ბიოლოგიის აკადემიური დოქტორი, ივ. ბერიტაშვილის ექსპერიმენტული ბიომედიცინის ცენტრის ქცევისა და კოგნიტიურ ფუნქციათა ლაბორატორიის მეცნიერ თანამშრომელი.

 მოხსენების სათაური: „პათოფიზიოლოგიური მექანიზმების კვლევა აუტისტური სპექტრის დარღვევათა ცხოველურ მოდელში“.

 მარიამ ჭიღლაძე - სიცოცხლის შემსწავლელ მეცნიერებათა აკადემიური დოქტორი, ივ. ბერიტაშვილის ექსპერიმენტული ბიომედიცინის ცენტრის ქცევისა და კოგნიტიურ ფუნქციათა ლაბორატორიის მეცნიერ თანამშრომელი.

 მოხსენების სათაური: „პათოფიზიოლოგიური მექანიზმების კვლევა ალცჰაიმერის დაავადების ცხოველურ მოდელში“